Tag Archives: Afrikaanse boeke vir kinders

Afrikaanse Boeke vir Kinders – Williempie se Wenners vir September-maand!

Posted on by

Williempie se Wenners vir September-maand!

Liewe Oumawillempie

Na die ongelukkige ontmoeting van my kriketbal en die bure se voorportaal-venster, het Pa my gehok – totdat ek DERTIG jaar oud is! Aai, en dit is nou veral erg om die hele Septembervakansie by die huis opgeskeep te sit … Maar soos Ouma weet, het ek altyd ‘n plan! Ek het besluit ek gaan uitbreek en vir Ouma-hulle in Bloemies kom kuier.

Ek het al met die tonnel begin – maar so vêr het ek net tot onderkant die mat van my kamer gekom (matte is heelvat moeiliker om deur te grawe as wat mens sou dink!) Toe besef ek dat ek navorsingsmateriaal nodig het. Ek het vir Tannie Phillipa by RED PEPPER BOOKS geraadpleeg – en sy het sommer onmiddelik vir my die nuutste in kinder-en-jeugboeke aangestuur. (Hiermee onderaan aangeheg.)

Hierdie missie behels ‘n ekspedisie van enorme proporsies – so Bessie Hemelbesem en die Ekspedisie na Daërdoer is noodsaaklik (ek weet nie of daërdoer verder of nader is van Johannesburg tot Bloemfontein toe nie – maar as Bessie, wat ‘n MEISIE is, dit kan regkry, dan kan ek ook!)

In Mnr. Humperdinck Se Wonderlike Watsenaam gebruik Pete Smith vlieënde vullisblikke om in te ontsnap. (Maar Ouma moenie worrie nie – ek sal dat Klein Jan eers ‘n paar toetsvluggies van die dak af bemeester in ons eie vullisblik – en ek weet wat Ouma gaan sê oor veiligheid – ek sal seker maak dat hy dit eers oordentlik uitwas!)

En ‘n mens weet nooit wat daar buite ronddwaal nie, so kry asseblief Virus sodat ek weet wat om te doen as ‘n paar bose mense wat lyk soos ons bure my wil verskeur. En ingeval ek ‘n bietjie te vêr grawe en by die strand uitkom, kry asseblief ook vir my die feiteboekie oor Walvisse en Dolfyne.

En om my besig te hou totdat my tonnel klaar is – het ek ook Blokraaisels vir Aapsterte nodig asseblief. Pa kla gedurig as ek hom help deur om sy blokraaisels vir hom in te vul.Ek dink dis al wat ek nodig het, maar kan ouma asseblief die volgende vir Pietersielie, Klein Jan en Ousus aankoop:

Lili se Boekklub – waarin sy ‘n geheime boek ontdek wat haar lei na ‘n geheime deurtjie. (Ouma weet hoe lank ek al wens dat ousus ‘n gehuime deur sal vind en in ‘n ander wêreld stilletjies verdwyn!) Ag shame, kry sommer maar ook vir haar Roset – boek 8 van die Staalmaats-reeks – sy is so mal oor hierdie reeks – dan sal sy haar neus in ‘n boek hê – en nie die ontploffings hoor as ek met die dinamietfase van hierdie missie begin nie.

In n’ huis, in ‘n huis vir Piersielie. (Dit lyk soos ‘n wonderlike muisavontuur!) Ek het gedink hy is ‘n goner nadat ek sy hamsterwiel geelektrifiseer het, maar hy net vir ‘n dag of so in sy hok gelê – en toe hol hy weer rond. Ek sweer hy is nie dieselfde muis nie, want hy is nou ‘n paar skakerings ligter, maar ma se dit kan gebeur as ‘n hamster homself wit geskrik het.

Thomas @ Geraamte.net om vir bangkat Klein Jan te help om sy vrees vir die donker te oorkom. (Ek dink daardie Halloween geraamte wat ek in sy hangkas gehang het ook die hele proses sal bespoedig.)

Dankie Ouma. Wens my sterkte toe, en ek hoop ouma bak solank TONNE koekies …

Baie liefde
Jou wille Willempie

Kliek hier om na al ons nuwe kinderboeke op ons webwerf te lees …

Willempie se Wenners: Nuwe Kinderboeke vir Liplekker Lees!

Posted on by
Formule drie, twee, een! EN ons is weg met die beste seleksie van kinderboeke vir liplekker lees!
rooikoppie

Liewe Mams,

Sal Mams asseblief die volgende boeke vir my bestel by Red Pepper Books. Ek het self met tannie Phillipa gepraat en sy beveel die volgende aan. Sy se hulle kan in a japtrap by ons afgelewer word. (As hulle enigsins hotter was, dan was hulle Chilli Pepper Books!) Ek het sommer vir die hele familie ‘n seleksie van kinderboeke gemaak!

Ma, ek soek heel eerste asb Cowboy Koekemoer van die Klein Karoo. Ma moet dit ook lees! Dan sal ma beter verstaan hoekom ek ma se nuwe serp oor my mond moes knoop – en dit sal ook daardie reeks van ongelukkige insidente met Wagter, vierpoot vasgebind verduidelik. En bestel asb Slym en die gogga-sirkus – ek het ‘n idee vir die volgende skool se talentkompetisie! En bestel dan ook Danie Dreyer en die Dinosourus Eier – want ek wil leër hoe om een uit te broei!
En kry asb Dit is hoe! vir pa – want hy vra my gedurig hoe dit moontlik is dat ek sekere goed regkry!  En kry sommer vir hom ook Formule drie, twee, een! – want ma se mos altyd hy kan nie bestuur nie – so miskien sal hy ‘n paar ‘tips’ vang! En Waar’s daai slang? is noodsaaklik want miskien sal ek dan weet waarheen Slinkie verdwyn het.
Vir mams stel ek Die Beste toebroodjie voor. Dan kan mams sien hoe dit gedoen word!

Vir ousus sal ma asb Freya Fiemies en Liewe Land,’n Olifant kry. Ek weet sy is ‘n bietjie oud daarvoor – maar sy kan dit aan Klein Jan voorlees. Ek hoop sy vind dit snaaks – ma weet mos hoe sensitief sy oor haar gewig is! Potte vol pasta is perfek vir ouma. Miskien sal sy ook die skimp vang en vir ons nog spaghetti maak!

Kan mams vir Klein Jan asb Banggat, jammer Bangkat en Boe bestel en Bad,Ag Nee! As die Bad,Ag Nee! boek werk dan hoef mams nie vir hom Dit jeuk! ook te kry nie. Die Kleinste Dinosourus is ook die oulikste boekie, en dan sal hy nie so hard skree as hy die koggelmander kry wat ek onder sy kussing weggesteek het nie.

Die Muisboot will ek vir Pietsielie voorlees vir motivering. Hy lê net deesdae in sy hok.  (En die nadat ek al die moeite gedoen het om sy ‘n elektriese motortjie aan sy muiswiel te koppel!)

Vir Oupa sal jy asb Lila en die geheim van reën kry. Hy sal hierdie geheim  graag wil hoor, want kla altyd oor dat daar nie genoeg reën vir sy mielies is nie.  En kry vir hom ook asb Kameelperde kan nie dans nie want ma WEET hoe dans Oupa as hy eers ‘n glasie wyn ingekry het! :-)

“Kry ‘n Vlieëkoekie” En Ander Krakerige Stories lyk histeries snaaks – en ek wil ook asb die resepte vir vlieekoekies probeer! Van resepte gepraat – kry asb ook Meerkatrestaurant en ander dieredumplings of so iets …

En Dan kan Mams asb vir Sannie al die ATKV-kinderboekwenners bestel. Dit behoort haar genoeg materiaal te gee om my boekverslae-huiswerk vir die volgende paar jaar voor te berei.

Mams, ek weet dis ‘n hele paar boeke, maar Red Pepper Books se pryse is SO goed – en ek dink ook daar’s ‘n sterk moontlikheid dat ek vir ‘n baie lank tyd gehok gaan wees as pa uitvind ek het Oom Pieter langsaan se enorme voorruit met my nuwe krieketbal gebreek. Maar moenie worrie nie ma, die bal het niks oorgekom nie!

Jou gunsteling seun,

Willempie    Kliek hier vir meer…